Z’drü Chöpfige Festwirtschafts-Team het zäme mitem ganze OK u no ganz viune witere Häufer es fantastisches Menü zäme gsteut.
Spiise
Näbscht de beliebte Pommes Frites us der Fritteuse, gits natürlich Fleischigs vom Grill. Öpe e Bratwurst oder es Stiik („Steak“) hets no ging gä amene Fescht!
Aber mir ruhie üs nid uf dene Klassiker us, uh biete ohno e Chäsbrägel ufem Brot und die scho bau legendäri, gmüesigi Nudlepfanne ah.
U wäms vom Sauzige nid Gnue het gä, darf sich no ufenes feins Crêpes oder es Stückli Cake fröie.
Mir wünsche scho gly e Guete!
Trank
Z Bier lömer äxtra usem ferne Simmental lah iflüge – üse Güggu u ihri Simmetaler-Chueh hei sich uf ahieb prächtig verstange!
Dr näbe gits natürlich oh öpe e Schluck Wy, es heisses Kafi oder oh chli „Soft-Getränk“ – nid nume für die Softe unger üs!
U ke Angscht: wär e chly Füür brucht zum Feschte, darf sich ufe Ingwerer-Shot vom Leändu verlah. Gmischt nachem gheime, musigeigene Rezept, tanzisch dank däm bis zum Sunneufgang. U wärs chli früscher möcht, cha sich zur chaute Biise nochli pfeffermünzigi Berliner Luft gönne.
Du gsehsch – mir hei für aui Gfüuhslage z Richtige.
Salute!