Erinnerige as vergangene Openair vergässe wott niemer – drum hei mir d’Sabine Hess zum Fötele gfragt. Wie guet das es isch usecho wei mir öich natürlich nid vorenthalte!
Die heimelig warme Farbe erwecke sogar der Iidruck, dass Temperature nid gfüehlt 5 Grad unter Null gsy sy. Und ou der Räge isch bim Föteli vom Wunschbrunne herrvorragend in Szene gsetzt worde. Früschluftmusig äbe.
Härzlechi Gratulation ad AMBO Musig für ihre fulminant Uftritt und der verdient Gwinn vom Wettbewerb! Der Güggu isch sicher schampar wohl bi öich bis dir ihn wieder dörft ufe Ferebärg bringe.
Aber ou die fantastische Uftritte vo de andere Vereine und die unzählige helfendi Händ weimer hie nid vergässe, merci viu viu mau für das tolle Fescht!
Bald verrate mir hie, was mir am nächste Früschluftmusig Openair wei asteue.
Gueti zyt und bis bald,
öies Früschluftmusig-OK.
